رغيك كله معقول يا ست البنات بس المهم حد يسمع ؟ و الاهم مايبقاش كل كلامنا كلام و بس ؟ نفسنا نعمل بقى ؟نهايته خلينا على اتصال

عايز كل الناس تعرف مدونتك
ضيف نفسك في ارشيف المدونات العربية
http://arabblogs.blogspot.com/
ارسل لنا اسم مدونتك و عنوناها و اسمك

في كومنت على

http://arabblogs.blogspot.com/2006/12/blog-post.html

انهى جريدة اللى انتى بتتكلمى عليها؟

الفيلسوف
بالظبط المهم منكونش عايشين حياتنا بنتكلم وخلاص
بالمناسبة
سبب برضو إني مبقيتش أشتري جرايد
إنهم مبيعملوش أي حاجة غير الكلام
أشتري مثلا الجريدة من هنا
واقرا مقال رئيس التحرير
ألاقيه هو هو نفس الكلام اللي كاتبه من سنة متغيرش
لسة بيشتم في البلد وفي الحكومة
ولسة بيقول "شفتوا الواقع منيل بنيله ازاي؟"طيب وبعدين؟
فين الحل؟
مفيش
لذلك لقيت الليلة مش مستاهلة كلام أكتر
عموما أتمنى يعني الشعب المصري يبطل شغل البغبغانات يبدأ يعمل حاجة بجد
شكراً لردك يافيلسوف

مهاب

ازيك يا رفيق،لعلك بخير ان شاء الله

أنا معاك إن أحياناً التصرفات الشخصية لبعض المسؤولين بتأثر بالتبعية على أدائه المهني
لكن ميصحش إن كل النقد اللي بيوجه للمسؤول يكون من منطلق إننا عرفنا حاجة عنه أو عن عيلته
فنبدأ نشهر بيه ونسمي دي معارضة!!
دي يبقى اسمها صحافة صفرا مش معارضة ولا حاجة،ومتستحقش اساسا ان حد يقراها

بالنسبة للأخوان فأنا اتكلمت عنهم كقوة سياسية مضادة للحزب الحاكم
مش من منطلق سياستهم الخاصة
وإن كنت من تعاملي مع بعض الافراد منهم ملقيتش أي شيء يضايقني منهم أو يخليني أرفض تعاملي معاهم
كونهم بيطبقوا سياسة معينة بقى فده مفتيش فيه بصراحة لأن مليش في سياستهم اوي وبصراحة لحد دلوقتي أنا مش فاهمة هما عايزين ايه بالظبط
انما النقطة هنا إني مش شايفاهم بيطبقوا سياسة معارضة صح
وأقرب مثال على كدة العرض اللي حصل في جاعمة الازهر من بعض افراد الاخوان
واللي -في نظري-قدم فرصة من ذهب للحكومة ووزارة الداخلية علشان تعمل حركة اعتقالات وتلفيق تهم زي ما يعجبهم
حتى رجل الشارع البسيط حس بأنهم"بلطجية"وصدق كلام الجرايد القومية في انهم اشاعوا الفزع وما الى ذلك
بالتالي الخطوة مكنتش موفقة أبدا للاخوان من جميع النواحي
ده اللي خلاني اقول ان معظم حركات او احزاب او جماعات المعارضة في مصر مش قادرة تطبق سياسة صح
بالتالي المواطن نفسه مش قادر يفهم فيه ايه ولا مين ضد مين ولا انهي صف ينحاز له ولا اي شيء

النقطة الأخيرة في ردك عن تطبيق المنهج الاسلامي،ودي انا موافقاك فيها تماما
بشرط ميكونش تطبيقه على خلفية من الأطماع السياسية وبشرط ميكونش الدين وسيلة للوصول للسلطة أو ستار فقط

تحياتي لردك الجميل يا رفيق،ومتقلقش روح التمرد دي هتوديني في....وربنا يستر:D

Elkamhawi
معتقدش اني هقول اسم الجريدة
ربما بعض الناس تعتبرني بشتم فيها ولا حاجة
وربما تكون قضية سب وقذف:D
والواحد مش حمل قضايا أصلا
لكن هي جريدة مشهورة عموماً

الله يكرمك وبجد سعيد إنى زورت مدونتك لانى اول مرة ازورها دلوقتى حالا وبجد عاوز اقولك مش مهم نعتض قد ما مهم نلاقى حلول حقيقية لأسباب الإعتراض .. انا كنت من اشد الناس عداء لمعنى الكلمة للحكومة .. لكن فكرت بجد صح وقولت يعنى لما اكرههم واعد انتقدهم هكسب ايه .. ولا اى حاجه .. انا ايوا مش بحبهم لكن هما مش مهمين عندى المهم بجد عندى .. هو ازاى اقدر اغير واقع شعبى .. وملقتش وسيلة اكبر واحسن واهم من الثقافة الحقيقية ومعرفة الذات البشرية .. دا اللى بجد شوفته وبنفذه .. خللى بالك وبلاش اندفاع .. انا على فكرة ثانوية ازهرية وناوى على شريعة وقانون انجليزى ان شاء الله وناوى بإذن الله من اول سنة القضايا هترخ على الحكومة هههه دا كان زمان .. دلوقتى قضيتى الحقيقية هى اسعاد الناس .. لك جزيل الشكر ويارب اقدر اوصل لمدونتك تانى بقى لأنى لو مقدرتش اعلق على تعقيبك يبقى اعذرينى لأنى بكدا هكون فشلت فى وصولى للمدونة الجميلة بكل صدق اللى اسمها اجمل اللامعقوليزم .. الى ما يحب ان يراكى الله عليه .. اللهم آمين .

الامعقوليزم؟؟

انتى علم نفس؟..مش عارف

بس انا ضد اى شئ يمت الحياة الشخصية اساسا..لكن فى شخصيات بتفرض اسرها وحياتها الشخصية على الحكم زى السيد الرئيس مثلا...دى مش حياة اسرية لا دى حياة بلد....

فمن حقك تتكلمى عليهم...

بس فى النهاية مقالتك قوية جداا..وجميلة فعلا...

أزهري

شكرا جزيلا يافندم على كلامك الأكتر من جميل ده،يارب متتوهش وترجع هنا تاني
وعمتاً احنا عنوان مدونتنا ميتوهش
اللامعقوليزم
lam3kolizm شفت سهل ازاي؟

أما بالنسبة للتعليق الجميل بتاعك بخصوص البوست
فكرتك عن الاعتراض السلبي اللي ملوش فايدة صحيحة تماما
بس بجد أنا اكتشفت من فترة قريبة جدا ان المثل اللي بيقول ايد لوحدها ماتسقفش صحيح برضو تماما
الفرد لوحده مهما غير نفسه ومنعها عن ارتكاب السلبيات المنتشرة دلوقتي
ولو حاول يكون مواطن نافع بجد لوحده مينفعش،انا كنت مقتنعة بكدة في البداية
انما بصراحة بدأت أحس إن اللي بعمله لوحدي ميكفيش
ماشي منعترضش ودمتم بس كمان لازم اما نعمل حاجة نعملها من منطلق جماعة مش فرد واحد
وإلا التغيير هيكون بعد قرون طويلة ده اذا كان فيه اصلا

ربنا يوفقك في دراستك يافندم ويارب تعتر في المدونة تاني:)

elgazaly

لا أنا مش علم نفس بتاتا
أنا انجليزي :)

طب بالراحة كدة تعالى نفندها
أنا هعمل ايه بحياة الرئيس الشخصية؟
مبقولش عن نفقاته وعيشته وما الى ذلك
لأن ده من صميم البلد جدا ولازم يتحاسب عنهم
أنا بتكلم مثلا مثلا يعني
انا مالي جمال اتجوز خديجة ازاي؟
ولا هي لبسها وحفلاتها وصحاباتها ازاي؟
طب انا مالي الست سوزان بتلبس ايه ولا لابسة حجاب او لأ
ومالي ومال الريس بيشرب كوباية لبن قبل ما ينام ولا مبيشربش(على سبيل السخرية ليس أكثر)كل دي تفاصيل متهمنيش كمواطن
أد ما يهمني هو كرئيس وحاكم بيعمل ايه؟بيحكم بالعدل ولا مبيحكمش اساسا خالص؟خايف على البلد وبيعمل لمصلحتها ولا مصدر الطارشة وبيعمل فلوس في البنك؟
كدة يعني
انما شغل النميمة والتشهير بالناس ده مينفعش ولا يعتبر صحافة زي ما قلت

متشكرة جدا ليك على ردك يارب متكونش اخر زيارة هنا:)

ان شاء الله مش هاتبقى اخر ..زيارة

انا بقى علم نفس,,,

والمعقول عندنا ينبعث من كونك كائن عاقل متعقل...

همممممممممممممممممم

ولا بلاش...

ربنا يكرمك ..

الغزالي

اتاخرت انا معلش في التعليق

المعقول ينبع من كونه هه؟؟(وش فاتح بقه ومذبهللل)
يلا خير انا قلتله ميشربش ميا ساقعة قبل ما ينام مصدقنيش

أيوة الله يكرمك انت ابقى هات معاك المرة الجاية قاموس وفهمني البتاع العلم النفس اللي قلته ده ايه

مساء الخير،سلام:D

فعلا و شكلهم ما هيتغيروا هيفضلوا متفقين علي الا يتفقوا 00و انا معاكي في انك تعترضي علي اللي يعجبك

Koukawy

لم يبق لنا الا الاعتراض احنا كمان
هو فاضل ايه غيره يعني؟
وأظن على ما المعارضة تلم شتاتها وتتوحد لهدف واحد
أكون أنا بقى اسمي منحوت على الجرانيت
"المغفور لها بإذن الله ملكة"

ميرسي لردك يافندم،نتمنى نشوفك هنا دايما