Sunday, January 14, 2007
Just an idea

عندى فكرة
إيه رأيكم نعمل خطة زمنية لهدف بعد هدف
علشان يكون حافز لينا
أكيد عندنا أحلام كتير
كل واحدة أو واحد معدى
يقول أول هدف جاى ليه
و يحددله مده زمنية
ملناش دعوة بخطط الحكومة الحمصية
و بعدين لما الوقت يخلص
ييجى يبشرنا بانه أنجزه فعلاً
و أدينا بنساعد بعض بأحلامنا
ها حلوة الفكرة دى
و للا ملتوته
:)
؟!!
 
posted by Yasmine Adel Fouad at 5:22 AM | Permalink |


19 Comments:


  • At January 14, 2007 at 6:47:00 AM PST, Blogger بيقولوا سايكو

    حلوة الفكرة .. بس المشكلز ان الحاجات اللى الواحد بيبقى عايز يحققها بتاخد فترة زمنية طويلة .. عامة أمنية من أمنيات كتيرة .. عايزة أتقن إلى حد معقول عمل الحلويات و أجيب كتب و كده علشان المشروع اللى فى دماغى لانى شبه واثقة انى مش هاشتغل فى مجال دراستى .. و خلينا نقول ان الامنية دى عايزاها تتحقق قبل ما الصيف بخلص .. فترة طويلة .. بس يبقى كويس لو انا عرفت أحققها فى الفترة دى

     
  • At January 14, 2007 at 10:30:00 AM PST, Blogger Hamed Ibrahim

    بعض الأحلام دي برغم إنها مشتركة مع شخص تاني بس مضطر أسعى فيها لوحدي على أمل ما!
    أول حاجة إني في خلال سنة بالكتير أكون اتقدمت للبنت اللي بحبها ..
    وده عن طريق حاجات بتتعمل دلوقتي
    إني أعدي السنادي .. وإني أفتح مشروع معين بدرس فيه دلوقتي وكل حاجة لحد دلوقتي الحمد لله ماشية كويس
    والمفروض إن المشروع ده بحد أقصى تلت شهور ويتفتح

    بحاول برضه ألاقي شغل مؤقت على ما ده يحصل .. ولحد ما اتخرج .. ودي خطة المفروض تتنفذ في خلال شهور بسيطة

    من الترم القادم هبدأ في بعض الكورسات .. عارف إن الحمل هايزيد بس مش مشكلة
    هو عبارة عن شوية اهداف لتحقيق حلم مصيري !


    حلم خاص تاني إني بعد ما أخلص كليتي ألتحق بكلية الآداب قسم لغة عربية .. عارف إن الظروف المستقبلية ممكن ما تسحمش بده .. وللأسف مش عارف أحدد فترة زمنية لتحقيق ذلك.. بس في دماغي إن شاء الله الحلم ده هايفضل مستمر

     
  • At January 14, 2007 at 1:35:00 PM PST, Blogger زعرورة

    حلوة الفكرة طبعا

    بس مش عارفه موضوع المدة الزمنية المحددة ده بيفشل معايا من ايام المذاكرة وجدول المراجعة والكلام ده وفى الاخر الاقى نفسى باذاكر اخر يومين ليلة المادة يعنى

    عموما اول هدف واضح قدام عنيه الوقتى انى اخلص كورسات العنجليزى وادخل على الفرنزاوى على طول

    تانى هدف هايتحقق خلال هذه السنة ان شاء الله حاجه من اتنين

    اما هاستقيل من الشغل ..او هاقتل المديرررررررررة

     
  • At January 16, 2007 at 1:37:00 PM PST, Blogger .:.-=- ELGaZaLy-=-.:.

    بس انا عمرى ما عرفت احط خطة زمنية اساسا,,,

    انا بحدد هدف وبنفزة مش بربط نفسى بوقت الا فيما ندر...بس فكرة جديدة

     
  • At January 17, 2007 at 6:37:00 PM PST, Anonymous Anonymous

    فكرة كويسة بس ياريت الاحلام الى نحطها لنفسنا تبقى على قد المتاح مش نضرب فى العالى وبعدين نرجع نندم على اننا محققنهاش

     
  • At January 19, 2007 at 8:18:00 AM PST, Blogger نمنماية

    امممم
    احلامي اللي المفروض في خلال سنة من دلوقتي
    هي اني اجيب لاب توب و اشتري عربية
    لاني محتاجاهم جدا
    و حلمي التاني اني اشتغل كــ ديزينر محترف بس دا انا حطاله خطة زمنية 5 سنين بإذن الله
    و نفسي يبقي عندي شغلي الخاص
    دول اللي فاكراهم حاليا

    بالمناسبة انا كان عندي حلم برده قبل كدا اني لما اخلص كلية اقدم في آداب لغة عربية
    بس راح الحلم دا في خضم الأحداث
    ربنا يقدرك يا حامد و تحققه :)

     
  • At January 20, 2007 at 3:29:00 AM PST, Blogger الوردة السودة

    حلوة الفكرة
    بس انا من راى عشان فعلا نحقق الهدف
    اننا نوحده
    بجد
    هدف كلنا نجتمع عليه
    ونحاول نحققه فعلا
    وعلى فكرة انا بتكلم جد
    مش بهزر
    نشوف كدة ايه الهدف اللى ممكن كلنا نجتمع عليه
    ولو وصلنا لنتيجة
    نحاول نطبقها برة فى حياتنا
    فكرو فى كلامى كويس
    وقولولى رايكو

     
  • At January 23, 2007 at 12:41:00 AM PST, Blogger أنـــا حـــــــــرة

    أيات

    خلاص ربنا يوفقك
    و كلنا معزومين عندك بقى على يوم حلويات
    واحنا نحكم
    و الصيف مش بعيد
    بخصوص مش هتشتغلى بشهادتك استنى لما تخلصى الاول
    حاجه حاجه يا فندم

     
  • At January 23, 2007 at 12:42:00 AM PST, Blogger أنـــا حـــــــــرة

    حامد

    احلامك حلوة اوى و كلها مفيدة
    يارب تحققها هى تبدو كده كتير او متنفعش فى نفس الوقت كلها مع بعضها علشان كل حاجه محتاجه جهد ذهنى و نفسى
    بس ربنا يكرمك
    انا واثقه فيك كراجل مسئول
    و بخصوص حلو اللغه العربيه الاحلام ما بتموتش مادام فى حماس

     
  • At January 23, 2007 at 12:45:00 AM PST, Blogger أنـــا حـــــــــرة

    زعرورة

    حتى احلامك شرانيه و اجرامية و تقولى احلام ملائكية قال
    يارب تقتلى المديرة بقى
    و اهو تخشى السجن عندنا و نعرف نشوفك بدل الشحططه

    ههههههههههههه

     
  • At January 23, 2007 at 12:47:00 AM PST, Blogger أنـــا حـــــــــرة

    الغزالى

    اصل ساعات الواحد بيسحب نفسه و يأجل الحم
    فده حافز
    تغيير يعنى

     
  • At January 23, 2007 at 12:49:00 AM PST, Blogger أنـــا حـــــــــرة

    هند

    هو الحلم ملوش سقف
    بس فكرة انك هتحطيله مدة زمنية هتلاقى نفسك مضطرة تلتزمى بحلم ممكن

     
  • At January 23, 2007 at 12:57:00 AM PST, Blogger أنـــا حـــــــــرة

    نغمو

    الاول ميرسى على النيولوك
    مووووووووووووووا

    ثانيا بقى
    انا كمان حلمى انك تبقى ديزاينر و ليكى شغلك بس احنا يبقى لينا خصم بقى

    ربنا يوفقك ان شاء الله
    و ناخد بعربيتك لفة

     
  • At January 23, 2007 at 12:59:00 AM PST, Blogger أنـــا حـــــــــرة

    الوردة السوداء

    عاجبانى فكرتك اوى على فكرة
    و منطقية

     
  • At January 25, 2007 at 2:12:00 AM PST, Blogger عنقود العنب

    الفكرة أكتر من رائعة و حسستني ان الحلم سهل و قريب
    أمنيتي اني أعمل اللي يعيشني فمصر خلال سنتين بالكتيييييير قوي
    وأرجع أعيش فهواها اللي مش عارفة أتنفس غيره
    يعني |(( الزمن)) بعد سنتين

     
  • At January 26, 2007 at 4:09:00 AM PST, Blogger أنـــا حـــــــــرة

    عنقود العنب
    جميل الحلم حين يحتك بجفون وطن
    الأهم منه ان يستحق هذا الوطن الكفتح من أجل ترابه

     
  • At February 23, 2007 at 4:57:00 AM PST, Blogger بدون خبث

    حلمي إني أصحى من النوم

    و أجد أن لإسلام قد إختفى

    :(

    مستحيل يتحقق

     
  • At June 7, 2007 at 12:56:00 PM PDT, Blogger أنـــا حـــــــــرة

    بدون خبث

    شوفلك حلم غير ده

     
  • At September 30, 2008 at 2:32:00 PM PDT, Blogger مطحون الغلبان

    جميل اوى ان احنا يبقى لينا احلام اساسا مش زمن لان احنا بقينا فى زمن بيسقط فية الوقت من ضيقة مش مننا احنا معظمنا كشباب بيحطم الرقم القياسى بالنسبة للناس اللى قبلنا فى حاجات كتير بس تفتكرى مثلا انك لو حطيتى مدة انك مثلا تجيبى عربية تضمنى منين انها ماتخشيش فى قطرهههههههههههههههههه
    لا عامل الوقت دة مش معاكى فية بس اللى بشجعة فعلا التصميم والارادة على تحقيق الحلم وعدم التنازل عن تحقيقة مهاما كان او مهما عدى من وقت وفى نفس الوقت نحاول بشتى الطرق ان احنا من وقت للتانى نوحد نفسنا لتحقيق هدف معين نفيد بية غيرنا وانفسنا والامثلة كتير كالعمل التطوعى