صباح الخير عليكي يا سمسم
ندخل في الموضوع
رأيك صح جداً ومش في فكرة البنت بس
إنما عامة
لو أهلي مش عايزيني أعمل حاجة معينة
المفروض أسمع مبررات منطقية تقنعني وبالتالي أنا من نفسي هقول مش هعمل الحاجة دي
مش الرفض للرفض وبس
لأن النظرية العقيمة دي بتؤدي للعند
وقد يكون الموضوع اللي عايزاه يحصل ده فعلا مش في مصلحتي لكن أصمم أعمله بسبب العند زي ماقلت وطبعا هطلع انا خسرانة في النهاية

إنما فيه نقطة تانية حابة أتكلم عليها
إن أحياناً فرض الرقابة على البنت بيكون بسبب الخوف عليها
لأن مهما طلعنا ونزلنا وقولنا وعيدنا
المرأة هتفضل-بطبيعتها-أضعف من الرجل
أضعف جسديا ودي معروفة وأهش نفسياً لأن نفسيتها أرق من الرجل إلى حد ما
فأي حاجة ممكن تاذيها مهما هي خدت حرصها برضو
لذلك ممكن الأهل يرفضوا بنتهم تعيش مستقلة لوحدها من منطلق خوفهم عليها،خوفهم إنها تتعرض لأذى باعتبارها عايشة لوحدها،خوفهم ان حد يتكلم عليها كدة ولا كدة لأنهم عارفين المجتمع كويس وعارفين تقاليده،خوفهم إن وحدتها تأثر عليها نفسياً بالسلب
ولما يبرروا لك ده بكلمة"إنتي بنت"فهما أكيد قصدهم البنت بكل دلالاتها،الضعف والرقة والاحتياج
مش قصدهم طبعاً إنهم يقللوا من شأنك لمجرد إنك بنت
يعني بيتعاملوا في الغالب من منطلق خوفهم عليكي مش أكتر
أو هكذا أتمنى يعني يكون المعتاد

تحياتي يا مينا،وسلاماتي لحد ما نتقابل بقى

بالظبط !!!
انا بنت
و بعدين
ايه المشكله يعنى
طول مانا مبعملش حاجه غلط

قلتى كل اللى بهاتى فيه من زمان
احييكى :P

اية اللي انتي كاتباة دة

عيب قوي تفكري كدة

انت بنت

:)

ملوكة

انا معاكى فى كل اللى انتى قولتيه
من اوله لآخره
بس اسمحيلى برضه ان مش كل الناس بتتكلم من زاوية الخوف
فى ناس بتتكلم من زاوية الدماغ الضيقه

سلام لحد ما اشوفك
ولو صدفه زى اخر مرة كده

emz

طب كويس اديكى عرفتى ان فى ناس بتهاتى زيك
المهم ما تستلميش و النبى

الحصان الاسود

طبعا مينفعش اقولك اهو انت
بس ينفع اقولك اطلع بره ؟

ههههههههههههههه
ماشى
مردودالك

انا برده بتتقالى الكلمة دى كتير
وبعمل اللى فى دماغى برده
بس برده سعات ببقى مشفقة على الاهل
لان احنا فى مجتمع زكورى متخلف

الوردة السوداء
كلنا هذة المرأة
المهم نصر على السعى مع ادراك الفرق بين الخوف علينا و قمع الحريات

طيب اية هي الحقوق اللي ناقصكي مثلا
مش عارف مفيش حد في الدنيا بيقول انا وخد كل حقوقي لكن الانسان بيجاهد لينتزعها

algafry

مش مسألة حقوق ناقصانى على اد ما هى مسألة الجهاد للحصول عليها رغم انها احيانا تافهه
يعنى حاجه زى انى مش بفكر فى الجواز مثلا اهلى مش بيكلمونى اوى عليها لكن تلاقى ناس تانيه بيقولوا ازاى
حاجه زى دى شخصيه تماما
مش محتاجه اجاهد علشان اوصلها
كده يعنى

مهاب

مفهوم مبعملش حاجه غلط مطاط
و زى ما انت قلت يعتمد على الغلط بتاع كل واحد و حدوده لنفسه
بس خلينا مجازا اننا اتكلمنا على حاجه صح و مش ضد الدين مثلا
صدقنى برضه احيانا كتير بتلاقى ان فى رفض ليها لمجرد انتى بنت
ربما خوف و ربما غلاسه
و مش بتكلم عن نفسى لانى غالبا بعمل اللى انا عايزاه
بس برضه بجد يا مهاب فكر كده هتلاقى برضه كلمة خايفين عليكى مطاطه جدا

مهاب

معتقدش انك ظالم اخوك اعتقد انك كده ظالم اختك ليه بقى
سؤال وجيه
لانك مفترض سبقا انها غير قادرة على حماية نفسها او غير قادرة ع التصرف فى المواقف و المشكله ان شريحة عظمى من البنات بتصدق فعلا و بتتصرف وفقا لامكانيات محدودة و بتلغى تفكيرها لانها مش هتعرف تتصرف زى ما الكل بيقول
خوفك عليها ده منطقى جدا
بس برضه لازم يكون فى مساحه من الايمان و الدعم للى قدامك بانه يقدر يعيش لوحده فى الظروف مش انه مجرد كائن اللى حواليه بيحميه

التقاليد حاجز كبير صعب جدا كسره

يشكل في بعض الاحيان جدار ناري و في احيان اخرى يشكل وادي يمنعنا من الوصول

sharm

الجدار كسره صعب بس مش مستحيل

هقولك حاجة و جاوبيني عليها انبي بصراحة

لو ابنك و عنده 21 سنة جاك البيت الساعة 4 الفجر هتعمليله ايه ؟

هتسأليه اذا كان اتعشى و لا تحضرليه عشى


طيب لو بنتك و عندها 24 سنة جاتلك الساعة 3 قبل الفجر هتعمليلها ايه ؟

هتسأليها بزعيق و شخط ده لو قدرتي تمنعي باباها انه يشارك معاكي في وصله الزعيق

مع ان البنت اكبر سنا من الولد و مع ان البنت جت بدري عن الولد لكن هي بنت و هو ولد

عارفة ؟ انا شايف ان في تقاليد غبية موت بالنسبة للتفرقة بين الولد و البنت و لكن في بعض المواقف سأتصرف مثلما يتصرفون

شرم

سؤالك حلو و مستفز فى نفس الوقت
اعتقد لو ابنى جه 4 الفجر عمرى ما هحضرله عشا و هقوله كنت فين لحد دلوقتى و اخليله ميعاد يرجع فيه البيت مثلا هنقول حد اقصى 12 بالليا او 1 الصبح مثلا بالكتير

البنت لو رجعت متأخر اكيد برضه هعمل معاها نفس اللى هعمله مع الولد بس الفرق ان قلقى عليها مش من اخلاقها لكن عليها هيكون اكبر

بس انا هنا مش بتكلم عن حرية مواعيد لانى واحده لو متاح ليا اتأخر برضه هرجع بدرى
لكن حاجه زى حفله مثلا هتخلص متأخر ممكن اسيب بنتى تروحها
يعنى فى استثناءات مش كقاعده عامه

و لعلمك مثلا انا بابايا مش بيخللى اخويا يتأخر برة صحيح مثلا لو انا هرجع 10 او 11 هو ممكن يرجع 12 بس برضه مش بيتأخر غير حاجات نادرة
بغض النظر بقى

الحقيقة...الوحيدة المعقولة اننا مش ..

بنطبق الاسلام بحق,,لو اطبق مش هايكون فى بنت وللد هايكون فى بشر وبشر زية...

بس فى احيان كتيرة بتكون الراقبة على البنت صح..مش غلط...

أحيانا
معنى كده ان احيانا برضه بتبقى غلط
لو شيلنا ازدواجية المعايير هتلاقى فى فرق

تعالي نتخيل حاجة كدة
تخيلي نفسك متجوزة و عندك بنت في سن 19 مثلا
وقالتلك انا هابات النهاردة برة البيت
بلاش قالتلك انا هسافرة اشتغل برة
او هتاخر لحد 3 او 4 الفجر
او قالتلك انا رافضة سلطة الرجل علي المرأة و هاستقل ماديا و مش ناوية اتجوز دلوقت خالص
انا بكلمك من مطلق و انتي ام

اي ام عربية عادية
قلبها هاياكلها علي بنتها اكتر من الولد اذا كانت هاتتاخر برة البيت او هتبات برة
ما بالك بالسفر الي الخارج
او رؤية ابنتها تجلس في البيت معها بعد ان عبرت الثلاثين مثلا
بدون زواج
فلسان حالها يقول
انا بنتي ناقصة اية عن البنات التانية
انظري للامر من زاوية اخري
وكفي تصادم بلا سبب
وقول اسباب قتلت تكرارا
انا لا اهاجمك ابدا علي العكس فهذة المدونة من المدونات التي اتابعها من فترة لاخري
لثراء ما بها
ولكن ان تنساقي الي خلف هذة الترهات
فاعتقد انكي اوعي من ذلك

انا جعان

وكفي تصادم بلا سبب
وقول اسباب قتلت تكرارا
ولكن ان تنساقي الي خلف هذة الترهات
فاعتقد انكي اوعي من ذلك

لا تعليق
مش علشان انا مقموصه و الهبل ده
لكن علشان النقاش هيبقى دون جدوى
مادمت انت شايف اسباب بنى ادمين
لمجرد اختلافها
تعتبر اى كلام

ميرسى لرأيك

انا شايف انك بتدعى انك بتؤمنيش بجمعيات المرأه والكلام الفارغ ده !!!!!!!!!!!بالرغم من افكارك المتحرره شويتين تلاته.سؤال واحد هل انتى مسلمه؟ لو الاجابه نعم يبقى تشوفى دينك بيقولك ايه فى المواضيع اللى انتى طرحتيها دى. ولو الاجابه لا شوفى التقاليد والاعراف والمجتمع ماشى ازاى وربنا يهديكى

هههههههههههه

صابر و راضى

فى جميع الحالات هدعى ربنا يهدينى لو انا غلط او لو انا صح

و معرفش ده هيضايقك و للا لا
بس انا مسلمة

ههههههههههههههههههه
انتى حرة بجد ماتقوليش بقى انك مش من منظمات تحرير المرءة لان واضح انك مؤمنة جدا بالتحرر مش عايز اقول الذايد بس فى نفس الوقت فية حاجات كتير مش مقبول بيها مش لانك بنت لان دينك بيقول كدة يا مسلمة زى مانتى قولتى فى ردك الاخير للصابر وراضى وبجد يا ريت اى بنت تتطبق وتراعى الخالق فى تصرفاتها عشان يتصلح حالنا اجمعين وسيبكو شوية من حكاية التحرر دى لانى انا مش معاكو فيها واكيد شوفتى دول كتير منطق التحرر فيها ادى لاية واحنا علشان احنا مجتمع شرقى الحمد للله لسة فينا الخير مش الكلمتين دول اللى اكيد هايثرو فيكى بس حاولى لو سمحتى انك تفكرى زى لو فية مشكلة مثار جدل بحط نفسى مكان الطرف الاخر وبحاول بشتى الطرق انى اوجد عيوب او خلل فى القضية لقيت انها صحيحة برجع عن راى ورحم الله امرءى عرف قدر نفسة وانتى حرة بردة