| Permalink |
At March 30, 2007 at 11:18:00 AM PDT, 
الراقـــص مع الذئـــــاب
At March 30, 2007 at 2:21:00 PM PDT, Known as PHYSCO
مش عارفة يا ياسو .. تقريبا الكل بيعانى ان حتى مش عارف إيه حلمه و هو عايز إيه بالظبط ..بس ماشى كده فى الحياة و خلاص يا إما يوصله يا إما عمره ما يلاقيه .. يعنى هامشى عريانة طيب و ساعتها هاكون مستريحة .. ماهو برضه الوضع مش هيبقى مريح .. بيتهيئلى انى أقضيها باللبس اللى عندى بس فى نفس الوقت أدور بجد و بقلب عن البس اللى يناسبنى و أدور عليه فى كل حتة و ما اسيبش مح غير لما ادخله لانى فعلا محتاجاه و حياتى من غيره صعبة ..بس يارب ألاقيه بسرعة نسبية
At March 31, 2007 at 11:43:00 AM PDT, Yasmine Adel Fouad
شيماء
بارك الله فيكى
جيتى تكحليها عميتيها
:)
و الله انا بمر بكل المراحل السوداء فى فوشيا دى
يعنى انا متخرجه من صيدله
و بشتغل فى صيدلية حضرتك و الموضوع مش عاجبنى خالص
بس هو مش عاجبنى من زمان
انا بشتغل دلوقتى علشان استقل ماديا
و علشان اناجربت اقعد فى البيت و قلت مش حابه المجال بس زهقت و مش نافع
هتقوليلى بتحبى ايه
هقولك الكتابه بس مش كحرفة
يعنى اه طموحى انشر كتاب قريب
بس الادب ما بياكلش عيش
كل الحاجات اللى عايزة اعملها كماليات
يعنى ادرس فلسفه او علم نفس
ادرس تذوق فنى و تصوير
العب يوجا
و هكذا
كله حاجهات جنب الحياة
طيب ايه الشغلانه اللى عايزة اشتغلها
ده السؤال اللى يعرفه يكسب جنيه دهب
:)
انا كمان جربت كل الحلول تقريبا
انا كمان مش صبورة خالص خالص خالص
بس انك تعمل روش و تكتب
ده بيقتل برضه
الجو قلب تراجيدى
:)
شيماء نورتينى اوى
و سيبك
الواحد برضه يبقى واثق فى نفسه
و يسد مناخيره
و ينزل فى الغويط
و يا هيغرق و هو بيحاول يوصل لنفسه
ياهيوصل
طمنينى على حلمك بقى
At April 7, 2007 at 2:33:00 PM PDT, صــ خ ـــب شـــيماء
جيت تانى يا ياسمين
معلش انا ما قصدش اكحلها ولا اعميها خالص انا كنت بفضفض معاكى مش اكتر
نوع فضفضه عالماشى بس قلبت بكأبه عليا من يومها إلى الان ما اعرفش ليه
فعلا شكلى عميتها خالص
تصدقى مشكلتى الحاله انى ادركت يمكن مبكرا عنك انى مش حابه المجال اللى بدرسه والمفروض كمان كمان شهر ولا اتنيين اتخرج منه ومش قادره اذاكر لانى مش حابه الموضوع فبالتالى مش حذاكر شئ كرهته
وتقريبا هو مجال انتى نفسك تدرسيه " علم نفس " جربى ماهو اكيد العيب فيا على رأى والدى العزيز
والله انا بحاول ابطل احلم بس شكل ان اللى غنى لو بطلنا نحلم نموت ده كان عنده حق فعلا
أحلامى تتلاشى تدريجيا ولكنى ان شاء الله اخد رشة تفائل كدا واتمسك بأطلالها وابنيها من تانى :)
At April 8, 2007 at 4:32:00 PM PDT, мїяάЖάгїм ™
انتي عارفه ان لو بطلنا نحلم نموت؟؟
هاقوللك: لما ماتلقيش حلم علي قدك اصبري، الحلم بييجي من اي مكان وف اي لحظه ، ممكن ييجي وانت نايمه وتصحي تلاقي لحياتك هدف (حصلت) ، ممكن ييجي وانت بتاكلي وانت خارجه وانتي بتقري ، دي حاجه طالعه من جواكي وهاتطلع في اي وقت
وافتكري دايما ان حلمك جواكي ، حاولي تنقبي عنه بهدوء
وابقي تعال صيف عندنا
At June 6, 2007 at 1:04:00 AM PDT, إسكندريلا
الحفل الجاى لاسكندريلاّ يوم 11/6/2007 بالجامعة الأمريكية فى انتظار تفاصيل أكثر
بعدها اسكندريلاّ هتكون موجودة يوم الجمعة 29 يونيو على مسرح الجنينة من9-10 مساء
المكان: حديقة الأزهر طريق صلاح سالم الدراسة جميع العروض مجانية بخلاف تذكرة دخول الحديقة (5 جنيه) للمزيد من المعلومات www.mawred.org
الحفل التالى سيكون فى ساقية الصاوى 11/7/2007 ضمن مهرجان (أجازة بجد ) التى تقيمه جمعية تنمية بلا حدود أيضاً التحديث بالتفاصيل مستمر
At September 29, 2008 at 3:28:00 PM PDT, مطحون الغلبان
يا احلاممممممممممك انا هاتلكم بصفة شخصية عن نفسى يعنى مثلا انا دبلون زى ماحضرتك تفضلتى فى موضوع سابق وبشتغل فى دولة عربية حرفة بس ظروفى ماسمحتش انى اوصل تعليمى او ابقى الشىء اللى كنت بتمناة على المستوى الشخصى او المهنى او اسلوب حياتى بصفة عامة بحاول بشىء من الشياكة انى اثقف نفسى واحاول اخلق لنفسى الحياة اللى عايزها مش معظم شبابنا الحمد لله اللى سايبين نفسهم للظروف والجوبات وكدة مع ان والدى مدير مدرسة والمفروض انى ابقى حاجة بس لو حسبناها بحسبات بعض الاشخاص نور على نفسنا عداد الايام ونروح نتحاسب بقى قبل ماتكتر زنوبنا وعلى اد ما الواحد بيكافح وبجد بيتعذب فى اليوم الف مرة انة حط نفسة فى الوضع الصعب دة على اد ماهو بينة وبين نفسة فى سلام كبير اوى انى بحقق احلامى بطريقة هيا صعبة كتير بس بحققها عكس ناس كتير فى استسلام او ناس غيرها بتحقق احلامها او ناس واخدها فهلوة وشاكر على مواضيعك المفيدة
سلام عليكم
رغم ان البوست قصير .. بس لمس سبب بيوصل النا لكأبه هو ان ماعندهومش حلم يحاولوا يحققوه "هدف" ؟
تعمل إيه لو لقيت نفسك مش لاقى حلم مجسم تقدر تحطله خطوات تمشى عليها انت عارف إنك مش مرتاح فى الوضع اللى إنت فيهلكن لسه مش قادر تحدد الوضع اللى يريحكو بالتالى مضطر إلى حد ما تسكتتفتكر تقدر تفصل حلم ؟
أنا عن نفسى من فتره فى الحاله دى جربت أفصل حلم فإتخنقت من التفصيل مش زى الجاهز أبدا.. وسمة الصبر شبه متلاشيه عندى وبحاول اخلقها جوايا
و للا تستنى لما تلاقى الموديل اللى يعجبك؟
مش جايز انا ما اعجبش الحلم!! هو انا بس اللى من حقى اختار الحلم وهو مالوش حق فى إختيارى ويوافق انه يتحقق معايا أو يقرر يفشل
و للا تقضيها باللبس اللى عندك؟
ممكن .. مع إنى مش مرتاحه فيه ولا حاسه انه لبسى ويناسبنى
و للا تقول مش عاجبنى اللى عندى فأنا بقى همشى عريان لحد ما ألاقى اللى على كيفى ؟
ممممممممم عملت كدا فعلا بصراحه
و للا تحط فى بقك جزمة قديمة و تعمل فيها عم الروشو تيجى تكتب بوست زى دى ؟
ده احلى حل لاقيته لدلوقتى اعمل عم الروشه واجيب جذمه جديده لزوم الروشنه بقى واكتب كتييييير عن خنقتى وإنعدام الهدف او لحلم اللى أسعى له وكإن الاحلام جت عندى وخلصت