Thursday, April 19, 2007
الست دبلون المحاسبة
كان يا ما كان
.
.
" من اسبوعين كنت فى ميكروباص و عمو السواق كان مشغل شريط دينى مكنش فيا اى دماغ اركز مع ناموسة حتى معدية بس قلت و ماله احاول اشوف الراجل بيقول ايه لقيته بيقول كلام غريب شوية . و كان عمال يقول امثلة على سلوكيات الصحابيات زمان و بيحكى قصص عن الرضا و الطاعة زى الزوجه اللى جوزها طلب منها مية فلما رجعت كان نام ففضلت واقفه جنبه من العشاء للفجر علشان لما يصحى يشرب . و و كان بعد كل مثال يقول طبعا بقى لو الزوجه دى دلوقتى كانت عملت كذا و كذا و كذا من ضرب للزوج و شتيمه و تريقه . و مش عارفه كان ليه ده التصور الوحيد لسلوك الزوجه الواقعى دلوقتى فى كل تخيلاته المنتقاه . طبعا مش عايزة اقول ان كان كل ما يحكى مثال الرجاله تضحك كانه قال نكته و انا حاساهم بيضحكوا على خيبتهم . يعنى لما واحد يقول لو مراتك بقى كانت زمانها قالتلك يخيبك يا منيل الاهى يشيلك معرفش ايه و حد يضحك يبقى بيضحك على ايه ده ؟ المهم القصه بقى اللى خرمتلى ودانى و كنت عايزة افجر الميكروباص قال ايه : صلوا ع النبى عمو الشيخ .. قصدى الشيخ احسن حد يفتكرنى بتتريق كان بيضرب مثل بقى فى الحياة الواقعيه مقارنة بقصة الست اللى فضلت جنب جوزها م العشاء للفجر مستنياه يقوم علشان يشرب و قال لو كان بقى الموضوع ده دلوقتى وواحد قال لمراته هاتى اشرب هتقوله ليه يا اخويا انت دبلون و انا دبلون ده انا كمان دبلون محاسبة يعنى تعالى احسبهالك لو انا روحت جبتلك تشرب و بعدين رجعت الكوبايه و رجعت الاوضه يبقى انا روحت و جيت 4 مرات انما انت لو روحت شربت و جيت يبقى مرتين بس يبقى تفتكر الصح ايه ؟انا فى سرى قلت ده ايه الست الواعية دى بس عمو الشيخ راح ضاربنى على دماغى بجملته اللى بعد كده بقى راح قالك ايه ؟ركز معايا ..راح قايل : أدى اللى خدناه من تعليم الستات بيتعلموا علشان يحسبوا يالهوى يا نافوخى ... هو ده الدرس المستفاد ان الست متتعلمش يعنى . أصله ماسكتش لحد كده لا ده فضل يتكلم عن تعليم المرأة و عيوبة الجسيمة و الرجاله فى الميكروباص تضحك ولولا انى كنت راجعه م اليوجا و قبلها الصيدليه و فعلا متكسرة كنت ممكن قلتلهم بتضحكوا على ايه و من ساعتها و انا حاطة فى قلبى و ساكته .. بس رجعت و قلت ابدا اهو ده اللى مش ممكن أبداً و أدينى جيت و قلت اللى محشور فى زورى
 
posted by Yasmine Adel Fouad at 1:19 PM | Permalink |


46 Comments:


  • At April 20, 2007 at 7:13:00 AM PDT, Blogger مسلم

    السلام عليكم

    هو مع إحترامي الكامل لآراء حضرتك

    و مع معارضتي التامه لموضوع عدم تعليم المرأه..و لكن معارضتي تختلف عن معارضتك قليلاً

    و بعد إذنك هو مش فعلا زوجات و أزواج اليومين دول أصبحوا فعلاً في حاله مذريه

    و هو نسب الطلاق بين حديثي التزوج أصبحت عاليه جداً

    أنا مبقولش إن الزوجه هي دائماً السبب

    لكن عايز أقولك حاجه طاعه الزوجه للزوج أمر واجب شرعاً و ده مش كلام شيخ و لا كلام حد ده كلام النبي صلي الله عليه و سلم

    لو كنت آمراً أحداً أن يسجد لغير الله لأمرت الزوجه أن تسجد لزوجها

    الحديث واضح

    و علي الناحيه الأخري ينبغي علي الزوج معامله الزوجه معامله كريمه

    لكن بجد

    البنات و الشباب اليومين دول أصبحت مفاهيمهم بايظه

    و تأملي في الحديث السابق

    هل تعلمين معني السجود للزوج

    هو دلاله علي الطاعه المطلقه لأوامره في ما أمر الله طبعاً

    لو أننا أدركنا المفاهيم و علم كل منا دوره

    لتغيرت كثير من أوضاعنا

    لكن...!!!؟

    هانت فالتغير قادم

     
  • At April 20, 2007 at 1:00:00 PM PDT, Blogger ملكة

    طب عمو الشيخ مكفرش قاسم أمين بالمرة ليه؟

    طب بلاش دي

    مدعاش على الخالة أم علاء(سوزان يعني) بسبب مؤتمراتها وحملاتها اللي بوظت عقول الستات بكلام عن التعليم والمساواة والحرية والبطيخ ده كله ليه؟
    ولا هي طنط أم علاء تعتبر من أولي الأمر لازم منجيش جنبها بحاجة وحشة؟؟؟

    وحياة ربنا انا مش مستغربة دلوقتي أبدا إن فيه نسبة كبيرة من الرجالة بيتجوزوا وبيعتبروا كل واحد فيهم مراته خدامة!!

    بالمناسبة انا مستنية الناس تدخل تقول لك انتي متعرفيش حاجة في الدين وانتي وانتي
    ربنا يصبرك بقى يابنتي

     
  • At April 20, 2007 at 4:22:00 PM PDT, Blogger سيدوفسكي

    سلام عليكم

    هو انا متفق جزئيا مع رد الجميل مسلم

    بس ليا تعقيب بس .. يا مسلم الملائكة سجدت لآدم سجود تكريم .. فهل معنى ده أنهم مطالبين أنهم يطيعوا أوامره طاعة عمياء؟

    أقصد بس .. بالنسبة لحديث الرسول صلى الله عليه وسلم .. ليه فسرته على الأساس ده .. ويعني أعتقد أن السجود التكريمي غير مرتبط بالضرورة بطاعة الأوامر

    بس عموما .. اتفق معاك جدا أن في مفاهيم كتير جدا ضايعة من الطرفين .. الزوج والزوجة .. أحيانا تلاقي أحدهما بيطالب بحقوقه ودايما ينسى واجباته .. مع أن الحدثين متفقين مع بعض .. عشان ده يحصل يبقى ده يحصل

    إنما أنانية بعض الأطراف بقى للأسف بتخلي الحياة زي ما احنا بنشوف الأيام دي

    بس أتمنى زيك فعلا .. أن التغيير يأتي .. على الأقل الواحد بيحاول يغير من نفسه .. بس يارب الآخرين يتغيروا كمان

     
  • At April 20, 2007 at 11:55:00 PM PDT, Blogger Mohamed A. Ghaffar

    مع تحفظى
    قبل منشوف ستات زمان كانوا بيعملوا ايه ، نفكر الأول رجاله دلوقى بيعملوا ايه

     
  • At April 21, 2007 at 8:17:00 AM PDT, Blogger أنـــا حـــــــــرة

    مسلم


    اولا منور جدا
    ثانيا
    و الله انا ماقلتش الست تدى جوزها بالكوباية فى دماغه
    و رغم ان حديث السجود للزوج سمعت انه مشكوك فيه لكن انا مش هفتى يعنى و لا الحديث مجالى طبعا
    بس انت قلت اهو الواحده تطيع جوزها فيما يرضى الله
    نسب الطلاق دلوقتى نار
    اه عارفه
    بس لو كل واحد راعى ربنا فى حقوقه وواجباته كل شئ هيبقى تمام
    انا مش بقول الراجل السبب
    و مش بقول الست ملاك

    و اعتقد تركيزى كان على نقطة تعليم المرأة

    و كان جزء من اندهاشى هو ان كل الناس بتعمل شرايط دينيه و الناس بتسمع و تقول ان الكلام ده لا غبار عليه


    انا لا بقول الست تخرج من تحت امر جوزها و لا بقول انها تغسل رجليه بميه و ملح

    و كل واحده ليها شخصيتها بحدودها و حقوقها وواجباتها

    و انا مصرة ان لو كل واحد عمل واجباته هيلاقى حقوقه

    انما كان استغرابى ان الشيخ معمم الحكم ان كل الستات دلوقتى عفاريت

    يمكن علشان انا مش بحب التعميم

    ميرسى لردك جدا

     
  • At April 21, 2007 at 8:22:00 AM PDT, Blogger أنـــا حـــــــــرة

    ملكة

    ايه ده انا مش مستنيه حد يكفرنى علشان البوست دى :) هتقلقينى ليه
    بس عموما انا قلت رأيى
    و كلنا احرار ولاد احرار
    هو انا غلطت فى الدين يا بنتى

     
  • At April 21, 2007 at 8:23:00 AM PDT, Blogger أنـــا حـــــــــرة

    سيدوفسكى

    منور و بما ان كلامك موجه لمسلم فيبقى مليش ارد عليه يعنى
    ده بينك و بينه

    :)

     
  • At April 21, 2007 at 8:24:00 AM PDT, Blogger أنـــا حـــــــــرة

    محمد عبد الغفار

    و شهد شاهد من أهلها

     
  • At May 1, 2007 at 1:51:00 AM PDT, Blogger Great wishes

    دى مش أول مره اسمع عن حد معارض لتعليم المرأه ,, او عشان الامانه عاوز يمحى امُيتها و بعد كده بزياده بقى ..تستنى عدلها ..فى الزمن الحلو اللى احنا فيييه ..الى مفيهوش عدل اصلا الا بعد عمر طويل ... لكن لما بفكر فى الاسباب اللى ادت لكده بعتقد انه اوضاع التعليم و المآسى اللى بنسمع عنها على كافه الاوجه ..سواء فى المدرسه او فى الكليه او فى العمل ..هى اللى بتخلى الناس تخلط بين انهم عاوزين المراه تبقى مُصانه - و ده بفرض النيه الحسنه - و بين بين انهم يحرموها من حقها فى ممارسه حياتها بشكل طبيعى ... فى ناس لخوفهم على اولادهم من المجتمع الخارجى بحرصوا على ان الاولاد يتلقوا العلم من منازلهم سواء بنين او بنات مع انها حاجه مكلفه ماديا ً.. و بصراحه الفكره جديره بالتفكير ... و على فكره التدريس ده من البيت بيفكرنى بالمرأه زمان .. اللى بتتهم انها اوت اوف دات و عاوزين يرجعونا زيهم ..طيب و الله نقدر نرجعع للرقى و الشياكه بتاعت زمان ..زمان كانت الستات بتتعلم مهارات و حاجات كتير و لو حبتت تتعلم و تتخصص فى مجال بتدرس ..بتعلموا شغل الحاجات اليدويه و يجلهم مدرس يدرس بيانو ..عشان البنات تعزف بيانو .. و كمان يتعلموا لغات و يهتموا بتربيه النباتات و تنسيق الزهور و التفصيل و حاجات حلوة قوى ...........مش عارفه انا خرجت عن الموضوع الظاهر كده
    معلش انا بعتذر عن الاطاله .. بس الموضوع يشد للمناقشه

     
  • At May 1, 2007 at 10:34:00 AM PDT, Blogger أنـــا حـــــــــرة

    great wishes ,

    فكرة ايه اللى نفكر فيها ؟
    ان الست تتعلم من منازلهم ؟
    و خبرات الحياة هتيجى منين ؟
    هتقولى و زمان كانوا بيجيبوا خبرة منين
    هقولك معرفش بقى ما تسألنيش لكن مفيش زمن بيرجع لوراء
    اللى اتربى صح هيفضل صح
    و المقفول عليهم هم اول ناس بتغلط

     
  • At May 2, 2007 at 2:12:00 AM PDT, Blogger الأرمـوطــي

    دلوقتى عملية الدعوة الاسلاميه بقت تجارة كل واحد حافظ ايتين وقراله كتابين بقى شيخ
    سلام

     
  • At May 3, 2007 at 8:54:00 AM PDT, Blogger Great wishes

    معذرة .. بس انا مختلفه معاكى رأيا لان الخبره مش بالخروج فى الشارع - و أصلا انا مقولتش انها هتتحرم من الخروج اطلاقا- الخبره بالاختلاط بالناس .. و الست زمان كانت بتختلط بشكل جميل جدا و صحى اكتر من دلوقتى .. بعتقد الست زمان كانت بتشارك جيرانها علاقات جميله مش موجوده دلوقتى الا نادرا نتيجه لظروف الحياه و الوقت السريع و كله بسرعه بسرعه .. و بتفق معاكى انه الزمن عمره ما بيرجع لورا .. بس و الله الفكره دى فى ناس كتير بتعملها مع اختلاف الدوافع و مش بس بيعلموا البنات من البيت .. لا كمان الصبيان .. و بيكون ليهم وجهات نظر تحترم جدا .. و مش عارفه هتصدقى و لا لا لو قلتلك ان اللى بيطبق الفكره دى الغرب مش الشرق لانهم ببساطه اتعودا على الاستقلال الفكرى و احنا اتعودنا على التبعيه ..محدش بيفكر فى التفاصيل الصغيره وبيمشى على نفس الخطوات اللتى وجد عليها الاباء و تقدرى تتابعى برنامج هاوس سواب على mbc4 و شوفى الناس بتفكر ازاى فى حياه اولادهم و بيوثلوا لادق التفاصيل و مش بيسيبوا زمام الامور للمجتمع الخارجى ببساطه كده ..حتى لو كان المجتمع ده المدرسه ...
    و معلش اسفه للاطاله مره تانيه

     
  • At May 6, 2007 at 11:02:00 AM PDT, Blogger أنـــا حـــــــــرة

    الأرموطى

    اه و الدليل قالوله

     
  • At May 6, 2007 at 11:04:00 AM PDT, Blogger أنـــا حـــــــــرة

    great wishes

    ايوه عارفه يا حبيبتى الامثله اللى انتى بتثولى عليها دى . لانى من متابعى mbc4 لكن دى حالات فردية
    فى مصر مينفعش تعملى قاعده عامة بسهوله
    انتى ليكى وجهة نظر فاهماها لكنها مينفعش تبقى قاعده علشان كده مينفعش نبنى أفكارا عليها
    طبعا كل واحد حر فى بيته بقى و يعيش بالطريقه اللى تناسبه
    لكن انتى تفتكرى عمو الشيخ اللى كان بيتكلم فى الشريط عارف حاجه من اللى انتى بتقولى عليها دى

    ما افتكرش للأسف

     
  • At May 7, 2007 at 2:23:00 PM PDT, Blogger عمرو غريب

    الموضوع جميل واتمني لكي التوفيق

     
  • At May 7, 2007 at 10:45:00 PM PDT, Blogger محمود عزت

    أنا مش فاهم في تعليقات الناس اللي قبلي :
    إيه علاقة إن الست تكون متعلمة و طاعتها لزوجها ؟
    و هل الطاعة إنها تكون خدامة تحت رجليا أقومها من نص الليل تجيبلي أشرب !

    مفيش أي علاقة أصلا بين التعليم و طاعة الزوجة لزوجها ولا بين الموقف اللي بيحكيه الشيخ و حسن طاعة الزوج
    :))

     
  • At May 11, 2007 at 1:50:00 AM PDT, Blogger أنـــا حـــــــــرة

    عمرو

    ربنا يوفقنا جميعا

    اللهم امين

     
  • At May 11, 2007 at 1:52:00 AM PDT, Blogger أنـــا حـــــــــرة

    محمود


    بارك الله فيك يسلملى لسانك

     
  • At May 13, 2007 at 8:53:00 AM PDT, Blogger nirfana

    وهل الجهل يوفر زوجة مطيعة ؟!!!!!!


    عجبت لك يا زمن

     
  • At May 16, 2007 at 11:11:00 AM PDT, Blogger See You

    السلام عليكم و رحمة الله و بركاته

    فعلاً الناس دي تفكيرها قاصر و سطحي جداً

    انا مش عارف الغباء اللي عند البعض ممن يدعون انهم فقهاء هيزول امتى .. !

    انا كتبت حاجات كتير في الموضوع ده في مدونتي ...

    ممكن تشرفيني بزيارتك من هنا ...
    cu.ueuo.com

     
  • At May 16, 2007 at 2:31:00 PM PDT, Blogger أحمد

    هو اى واحد بيخطب بقى شيخ نسمعله وناخد منه علم؟ياريت حضرتك تعرفى الفرق بين الشيخ الثقة والتايوانى ولما تتكلمى يبقى توضحى انك بتتكلمى عن التايوانى لان كده اساءة لكل الشيوخ

     
  • At May 16, 2007 at 2:35:00 PM PDT, Blogger أحمد

    اه حاجة نسيت اقولها
    جاتكوا نيلة مليتوا البلد

     
  • At May 16, 2007 at 8:32:00 PM PDT, Blogger صاحب البوابــة

    الاخوة الكرام لأن دورنا هو إظهار الحقيقة وتوعية الناس بها , ولأن ما علمته عن ذلك المجاهد يمثل قيمة عظمى المفترض أن نفتخر بها ونكرمها , لا أن نعتقلها ونسجنها , فإني أطلب منكم رجاءاً أن تساعدونا في بدء حملة الافراج عن شيخ المجاهدين السيد / أبو الفتوح شوشة , وتتمثل الحملة في نشر هذا البوست الجاهز يوم الجمعة الموافق 19/5/2007 , ونشر صور شيخ المجاهدين في جميع المدونات المشاركة – الصور موجودة في مدونتي- , مع توسيع نطاق الحملة لتشمل كافة المدونات التي نستطيع الوصول اليها .. وجزاكم الله خيراً ...

    البوست بعنوان

    أن تكون أبو الفـتوح شوشة

    حملة الإفراج عن شيخ المجـاهدين :

    في ظل تلك الهجمة الشرسة التي يتعرض لها كل وطني حر شريف , تتعدى تلك الهجمة هذه المرة خطوطها الحمراء , وتتمادى في غيها المنهجي , لتصطدم برمز من رموز العزة والكرامة في مصرنا الحبيبة , إنه شيخ المجاهدين الذي يربو عمره عن الثمانين , الأستاذ أبو الفتوح شوشة , ورغم ان الكثيرون من قد لا يعرفونه , ربما لأنه ليس بلاعب كرة قدم قديم أو مطرب شهير قد إعتزل ... بل إنه من القلائل الذين ما زالوا أحياء ممن سبق لهم الخروج مجاهدين وقت تقسيم فلسطين عام 48 م , ورغم أن الكل قد تناساه , في غمرة إعتقال نائبي مجلس الشعب من الإخوان المسلمين , وقد تم إعتقاله معهم وقتها بكل القسوة رغم شيخوخته وكبر سنه , إلا أنهم لم يرحموه , ولم تمنعهم كهولته , بل لفقوا له التهمة الشهيرة وهي محاولة قلب نظام الحكم !!! وكأن كهولته وكِبر سنه تسمح له بمجرد التفكير في قلب منضدة و ليس قلب نظام الحكم !!! لكننا اليوم نعلنها إننا لم ننساه , وكيف ننساه ؟؟ وقد حمل لواء الرجولة والعزة آنفاً وخرج ببدنه وماله قاصداً فلسطين ليجاهد عام 1948م اليهود الصهاينة وهو يبغي النصر أو الشهادة , , إنه اليوم له كل الحق علينا في ان ندعمه تماماً , حتى ولو لم يطلب , وحتى ولو لم يعلم , فإننا من منطلق من نمثله من صحافة شعبية , تمارس دورها في تنوير شعوب المنطقة , نعلن اليوم ما الذي يعنيه أن تكون شخصاً كشخص أبو الفتوح شوشة في مصرنا الحبيبة ...

    أن تكون أبو الفتوح شوشة فهذا معناه أن تكرم وتصير رمزاً لكرامة الرجال لو كنت في بلد غير مصر ... أما لأنك في مصر ... فهذا معناه أن تصير نزيل أحد السجون وحبيس أحد المعتقلات ...

    أن تكون أبو الفتوح شوشة فهذا معناه أن تخرج للجهاد في فلسطين وعمرك لم يتجاوز التاسعة عشر ...فتبلي البلاء الحسن ... ثم تعود لتنال جزائك على جهادك وبدلا من تكريمك يزج بك في السجون 15 عاماً مع الشغل والنفاذ ..

    أن تكون أبو الفتوح شوشة فهذا معناه أن تعود من فلسطين راضياً عن نفسك ... راضياً عن جهادك ... راضياً عما فعلته لرفع لواء الذود عن فلسطين ... فلا يرضى عنك النظام ... لتذوق الويل والتعذيب في السجون المصرية ...

    أن تكون أبو الفتوح شوشة فهذا معناه أن تخرج من السجن بعد 15 عاماً كاملةً لتمارس رسالتك في البناء والاصلاح من جديد ... بدون أن تتغير قناعاتك أو تتزعزع ثقتك في نفسك ...

    أن تكون أبو الفتوح شوشة فهذا معناه أن تترشح في انتخابات مجلس الشعب لعام 1987م ... فيهب جميع أبناء دائرتك لإنتخابك ... بما فيهم أقباط دائرتك بالكامل .... فتنجح نجاحاً باهراً ... ثم يتم حل المجلس لأجل إسكاتك ...

    أن تكون أبو الفتوح شوشة فهذا معناه أن تتحصن بحب الله و تحظى بحب الناس لك ...... لكنك في الوقت نفسه تجد أن النظام يُكن الكره لك ... ويعتقلك المرة تلو الأخرى ...

    أن تكون أبو الفتوح شوشة فهذا معناه ألا يرحموا شبيتك وأنت قد قاربت الثمانين ... فيزجوا بك في المعتقلات غير آبهين ... ويحولوك لمحاكمة هزلية غير مستنكرين ...

    أن تكون أبو الفتوح شوشة فهذا معناه أن تُحارب في رزقك وسكنك وراحتك وانت شيخ كبير ... ويضيقوا عليك كل شئ حتى يسجنوك ... في الوقت الذي تتمنى أن تنعم فيه براحتك ...

    أن تكون أبو الفتوح شوشة فهذا معناه جهاد في صغرك ... تعذيب في شبابك ... بهدلة في كهولتك ...

    أن تكون أبو الفتوح شوشة فهذا معناه ... اننا معك حتى النهاية ... نهاية ظلمهم أو نهايتهم ...

    الروابط :
    مدونة انسى تذيع نبأ اعتقال شيخ المجاهدين
    http://ensaa.blogspot.com/2007/04/blog-post_9947.html

    مجلّة "فلسطين المسلمة" تذيع فقرات من جهاد شيخ المجاهدين
    http://www.fm-m.com/2003/aug2003/story24.htm

    تقرير صحيفة المصريون عن اعتقال قدامى رجال الاخوان المسلمين
    http://www.almesryoon.com/ShowDetails.asp?NewID=34088&Page=1

    ملف pdf عن جهاد شيخ المجاهدين المصريين في فلسطين
    http://www.fm-m.com/2003/aug2003/pdf/51.pdf

    جاري تدعيم الحملة بتقرير جريدة الدستور عن شيخ المجاهدين بتاريخ 13/5/2007
    جاري تدعيم الحملة بتقرير جريدة الوفد عن شيخ المجاهدين بتاريخ14/5/2007

     
  • At May 17, 2007 at 5:10:00 AM PDT, Blogger تامر حسين

    والله انتي قلتي كلمه ومخدتيش بالك منها وهي انت دبلوم وانا دبلوم بس انا دبلوم محاسبه وتعالي احسبهالك
    يبقي اكيد هو بيحاكي فأه معينه من الشعب وكمان اكيد هو كمان متعمق في هذه الفئه والصراحه من غير زعل انا تعاملت مع هذه الفئه وكمان تعاملت مع الفئات الاعلي والاعلي من الاعلي كمان
    بس هتقولي ايه بقي كل واحد وتفكيره وكمان مفتكرش ان بقي دلوقتي في حاجا اسمها هاتيلي كبايه ميه خلاص
    بقي الراجل بيجيب لنفسه الحاجا احسن من وجع الدماغ وغير كده وكده انا عن نفسي اخويا الكبير ياسر حسين قالي مثل وانا ماشي عليه من زمان
    متطلبش من مراتك تجيبلك حاجا انت عارف مكانها

    تحياتي معلش طولت عليكي

     
  • At May 19, 2007 at 3:01:00 AM PDT, Blogger elkamhawi

    رحلة سعيدة
    شيوخ مهيسة وعاملة دماااااغ
    مفيش حاجة بتخنقنى اكتر من الشيخ الاهبل

     
  • At May 20, 2007 at 3:26:00 PM PDT, Blogger Sharm

    اول مرة ادخل و ملاقيش اغنية

     
  • At May 26, 2007 at 3:28:00 AM PDT, Blogger صابر وراضى

    يعنى انتى كل اللى مدايقك ان الراجل كان بيقول ان الستات بيتعلموا عشان يحسبواوالرجاله بتضحك!!!!!!!!!! ما اصل انتى مش عارفه ان هم يبكى وهم يضحك .همه بقه بيضحكوا من همهم وواقعهم المر بسبب ستاتهم اللى مطلعين عنيهم فى البيت.طلبات وغيره من جيرانها ونكد وحاجه تخلى العيشه جحيم يا ريت نرجع لعصر الحريم تانى. ويكون لكل واحد بتاع تلاتين اربعين جاريه.وعاعموم البوست رائع جدا ويا ريت زياره للبوست بتاعى.

     
  • At May 31, 2007 at 12:49:00 AM PDT, Blogger الربان

    تحياتي

    الحقيقة الموضوع محتاج لوقفة...نعم وقفه ضد الشرائط التي تباع علي الارصفة و أمام ابواب المساجد لبعض أدعياء العلم...

    و المعلوم ان النساء طلبن من الرسول صلي الله عليه و سلم ان يخصص لهن وقتا ليعلمهن الدين.
    المشكلة ان الدين بقي مستباح..كل شخص يمكن ان يفتي و يسجل شرايط بدون رقابه
    و بدون إجازة...

    الحقيقة الموضوع طويل و مرير...لان ليس كل من يستمع لهذه الشرايط و التسجيلات لدية القدرة علي التمميز بين الصحيح و غير الصحيح من الدين.

    تحياتي و شكري و تقديري

     
  • At May 31, 2007 at 1:03:00 AM PDT, Blogger الربان

    تحياتي مرة أخري...و معذرة علي التعليق ثانية..

    بالنسبة لحديث سجود الزوجه لزوجها...لن اقول انه موضوع او غير موضوع لان علوم الحديث متعددة و لها رجالها...و انا غير متخصص .

    لكن ان صح هذا الحديث...فأي رجل هذا الذي تسجد له زوجته؟ لا بد ان يكون هذا الرجل مسلم تقي ورع...يخاف الله في نفسه..و زوجته و اسرته... لا يحل حراما و يحرم حلالا...لا يطلب حقوقه و يتناسي واجباته...
    هل هذا الرجل موجود فعلا في هذا الزمان العصيب...

     
  • At June 3, 2007 at 11:13:00 AM PDT, Blogger أنـــا حـــــــــرة

    نيرفانا

    يسلم لسانك
    انتى جبتى من الآخر

     
  • At June 3, 2007 at 11:24:00 AM PDT, Blogger أنـــا حـــــــــرة

    see you

    المشكلة مش فى الناس اللى بتفكر . يعنى اللى يسمع الكلام ده مثلا ممكن يفكر و بعدين يقول عنده حق او يفكر و يعترض زيى . بس الفكرة فى الناس اللى بتحفظ و تطبق غميضى

    و من عينينا الزيارة

     
  • At June 3, 2007 at 11:27:00 AM PDT, Blogger أنـــا حـــــــــرة

    احمد

    هو ايه اهمية التصنيف دلوقتى سيادتك ؟
    يعنى انا راكبة ميكروباص لما اسمع فتوة زى دى لو من النوع الى بصدق و السلام مش هيفرق معايا ده مين اهم كلهم شيوخ لكن لو فكرت ممكن أسال مين ده اصلا

    ثم العيب مش فيا سيادتك العيب فى اللى عمل شريط و هو مش أهل للفتوى و العيب فى اللى بيشغلوا الكلام ده و ينشروا الثقافه

    انا بكتب عن نقطة سلبيه مش بشجع فكر
    و لا ماشية اقول بصوا الشيوخ ازاى
    اعتقد كان واضح انى متضايقه ان ده ممكن يعمم حكم سيئ عن الشيوخ الحقيقين

    و للا ايه يا ابو حميد :) ؟

     
  • At June 3, 2007 at 11:28:00 AM PDT, Blogger أنـــا حـــــــــرة

    احمد

    انت كمان بتشتم
    ربنا يسامحك يا سيدى

     
  • At June 3, 2007 at 11:30:00 AM PDT, Blogger أنـــا حـــــــــرة

    صاحب البوابه

    لا الموضوع شكله كبير انا هاجى عندك المدونة اشوف

    شاكرة التنبيه

     
  • At June 3, 2007 at 11:32:00 AM PDT, Blogger أنـــا حـــــــــرة

    تامر حسين

    منور البلوج
    و الله بقى مش عارفه انا معترضه فى الأساس على اعتراض الشيخ ده " لو هو شيخ فعلا " على تعليم المرأة و الاستشهاد بمثال ساذج كمان


    بس اخوك عبقرى بقى
    بلغه تحياتى
    حلو المثل ده
    انا هعمله ترويج
    مع انى اول مرة اسمعه


    منور

     
  • At June 3, 2007 at 11:36:00 AM PDT, Blogger أنـــا حـــــــــرة

    القمحاوى

    و الله مش القصد اننا نشتم على اد ما هو تساؤل و اندهاش

    فينك يا راجل ؟

     
  • At June 3, 2007 at 11:36:00 AM PDT, Blogger أنـــا حـــــــــرة

    شارم

    اغنية ؟

     
  • At June 3, 2007 at 11:38:00 AM PDT, Blogger أنـــا حـــــــــرة

    صابر وراضى

    ياريت بقى الناس فهمت مش عاجبنى ليه
    ده انا كمان بتشتهم هنا اهو

    يللا حصل خير
    و عارفه ان الناس بتضحك من اللى فى بيوتها بس اعمل ايه معنديش غير مرارة واحده

    و من عينى جاية

     
  • At June 3, 2007 at 11:39:00 AM PDT, Blogger أنـــا حـــــــــرة

    الربان

    بالظبط هى دى المشكلة اللى كنت بتكلم عنها مش بهاجم شيوخ و لا بدافع عن مراة الموضوع اكبر من كده

     
  • At June 3, 2007 at 11:41:00 AM PDT, Blogger أنـــا حـــــــــرة

    الربان

    بالظبط

    هى عملية حقوق وواجبات ما تطالبش اللى ليك غير لما تعمل اللى عليك مش نظرية واحدة بواحدة انما ده المنطق

    سعيدة بأفقك جدا

     
  • At June 20, 2007 at 6:48:00 AM PDT, Blogger اسكندراني اوي

    تعليم المراه مهم ومهم جدا
    لان هيا الام اللي حطلع ناس يا فاهمين وينفعو دينهم وبلدهم ونفسهم
    يا يطلعو اي حاجه تانيه

    دي اول حاجه
    تاني حاجه بقى مش اي حد نسمعله ودا مهم اوي وللاسف احيانا بيفرض علينا نسمع والقليل منا اللي يقدر يفرق بين الصح والغلط
    عموما معلش المره الجايه يارب يشغلك شريط عماد بعرورررررررررررررررر

    وتحياتي

     
  • At June 23, 2007 at 4:38:00 PM PDT, Blogger أنـــا حـــــــــرة

    اسكندرانى

    هى يا يا كده يا بعرور يعنى
    :)

     
  • At July 19, 2007 at 5:56:00 AM PDT, Blogger بنت القمر

    اصلا انتى غلطانه انتى قلتى تعبانه ومش مركزة !!وبعدين ركزتى مع الشيخ ودى غلطه !!وبعدين فهمتى ودى كمان غلطه!! ودلوقتى بتناقشى وبتتنتقدى !!لابقا انتى زودتيهاوغلطاتك زادت!!!شكلك كدا من الناس بتوع تعليم المراءة وحقوق المراءةاعترفي صح ولا لا؟؟ الويل لكى والثبور وعواقب الامور..متجيش تزورينى

    فى مدونتى اصلى مش فاضيه عندى تنفيض اصل سي الاستاذ بتاعي زمانه جاى..اصله عصبى حبة وايده تقيله حبتين يا لهوى يا لهوى!!ا

     
  • At September 5, 2007 at 8:34:00 AM PDT, Blogger 3ala asm masr

    اولا عايزه اتكلم عن الحته بتاعت طاعت الزوجه للزوج
    الستات كلهم دلوقتى اشرار وده بيبان فى كلام الاغلبيه من الرجال على فكره
    وكل واحد بياخد الحديث اللى ذكره الاخ مسلم ويفسره بمزاجه وعاوز مراته تحت رجليه او واقفه جمبه من المغرب للفجر على راى القصه ومش بيفكر فى واجباته هو نحية مراته وان هى الطرف الضعيف فى العلاقه وان المفروض يعاملها بما يرضى الله
    وبيقولوا الاحاديث اللى عن طاعة الزوجه للزوج وينسوا ان الرسول صلى الله عليه وسلم قبل وفاته قال رفقا بالقوارير اى رفقا بالنساء واد ايه التشبيه جميل
    قوارير يعنى زجاج حساس جدا
    فياريت الرجال الاول يعملوا واجبتهم وذى ما بيتكلم عن رجال نساء زمان يتكلم عن رجال زمان اذاى كانوا مه زوجاتهم
    عن الرسول صلى الله عليه وسلم ومعاملته لاهل بيته
    ثانيا بقى موضوع التعليم انا عايزه اقول ان انا كنت بشوف مره برنامج فضفضه وطلع شيخ ذى شيخنا ده كرهنى فى عيشتى
    المفروض المرأه متخرجش ومتعملش ومتقعدش ومتروحش ومتعتبش باب بيتها الا بمحرم
    وكمان قال المفروض متشتغلش ميعرفش نسبة الستات التى تعول اسر فى مصر اد ايه
    معلش مسكين
    اما عن التعليم فبجد مفيش زمن بيرجع لورا كفايه بقى تخلف
    ايه المشكله مدام ملتزمه بتعاليم دينها واللى مش هتتعلم دى هتربى اذاى ولادها وتقدر تعلمهم وتفيدهم ولا هتديهم دروس خصوصيه
    اسفه على الاطاله بس كان محروق دمى

     
  • At June 26, 2008 at 12:07:00 PM PDT, Blogger Islam

    والله مع إحترامي ليكي يا أستاذة ياسمين و إحترامي للشيخ والي زيه (إلي أكيد مش بطقيهم) بس تفكير ضيق جداً اللي أنت بتتكلمي بيه أه غلط أن هي تقف من العشاء للفجر بس هو الراجل قالها تقف؟؟؟ و لما صحا من النوم كان راضي عن التصرف ده؟ هي عملت كده عشان مش هاين عليه تصحيه و مش هاين عليها لما يصحى يفضل عطشان و كانت فاضية موراهاش بلوج لازم تكتب فيه حاجة و بالنسبة للشغل لأ المرآة تشتغل هي حرة بس عليها مسئوليات تانية زي ما هي لازم تاكل و تشرب و تنام و تقعد على النت و تشتغل و تصلي و تحافظ على حقوق ربنا لازم تحافظ على حقوق بيتها و أظن حقوق بيتها مايبقاش آخر حاجة تفكر فيها و الرسول صلى الله عليه و سلم قال لو أمرت المرآة أنت تسجد لغير الله لأمرتها أن تسجد لزوجها و بعدين أه فيه رجالة زي الزفت بس برضة في ستات قليلة الأدب يقول لها هاتي مايه تقوله أنا زي زيك لأ هي مش زيي زيها أنا بعملها زيي زيها عشان أنا كويس بس هي المفروض تحت طوعي أنا و بتمشي برأي أنا مدام ميخلفش الدين والله الكلام ده مش عاجب البنات أو الستات متجوش تحاكموني حاكموا ربنا (معاذا الله)مش إحنا بطلوا تطلبوا حقوق مش ليكم و ربنا يهدي

     
  • At September 29, 2008 at 3:21:00 PM PDT, Blogger مطحون الغلبان

    بصى هاقوللك على حاجة انا فى الاول مع التعليم للمراءة انا معاكى بس انتو بتطالبو بحاجات كتير مش من حقكو فيها يعنى الجمعيات بتاعتكو عملو زى اليهود كل ماخدو نقطة عايزين يكسبو غيرها ومبدء سكتنا لة دخل بحمارة يعنى انا مع التعليم وموافق علية وبرفع صباعى اللى هو دة هههههههلكن مش مع العمل والحرية والرىء والرىء الاخر وحاجات كتير كدة المهم نيجى بقى للزوجة اللى وقفت جنب زوجها بالمية من العشا للصبجح فيها اية مستكترة على زوجك اللى هو حبيبك وسندك وكل حاجة ليكى فى الدنيا بعد ربنا طبعا واهللك ان انتى تقفى بمية من العشا للضهر وهو يا عينى علية بيطلع من صباحة ربنا بيطفح الدم انا هاتكلم على الطبقة اللى تحت المتوسطةههههههههههههه بيطلع يطفح الدم ويجرى هنا وهان ويتحمل اهانة وزل عشان يرجع اخر النهار لمراتة ياكلها لقمة حلوة ويلبس ولادة اللى بيحرم نفسة منة كتير علية انك تقفى لة بمية امال لو قالها هاتى كوباية عصير كانت عملت اية وشكار لصدركم الرحب